1 qershor 2017 – Të gjitha partitë politike konfirmuan angazhimin e tyre për zgjedhje të lira, të drejta e demokratike. Mundësuar nga Grupi për Ballkan, partitë miratuan dhe nënshkruan një kod të sjelljes për zgjedhjet e 11 qershorit. Në deklaratë, ata u zotuan për një fushatë të ndershme e dinjitoze brenda normave demokratike, pa përdorim të gjuhës së urrejtjes dhe me respekt të ndërsjellë. Kodi u nënshkrua në prani të kryesuesit të Komisionit Qendror të Zgjedhjeve, përfaqësues të institucioneve kyçe ndërkombëtare. Kjo iniciativë është pjesë e dialogut politik ndërmjet partive parlamentare, që Grupi për Ballkan mundëson. Lexo Deklaratën e nënshkruar të Kodit të Sjelljes.
